សំណេរ​និង​អក្ខរា​វិរុទ្ធ​ខ្មែរ (អន្តរកម្ម​និយម, ច័ន្ទ សំណព្វ)

ម្សិលមិញ ខ្ញុំ​គិត​ថា​ដើរ​រក​សៀវភៅ​សេដ្ឋកិច្ច​យក​មក​អាន តែ​រក​មិន​ឃើញ បែរ​ជា​ទៅ​ប្រទះ​នឹង​សៀវភៅ​នេះ​វិញ។ ដំបូង គិត​ថា​អាន​ត្រួសៗ​សិន​ទេ តែ​...

ម្សិលមិញ ខ្ញុំ​គិត​ថា​ដើរ​រក​សៀវភៅ​សេដ្ឋកិច្ច​យក​មក​អាន តែ​រក​មិន​ឃើញ បែរ​ជា​ទៅ​ប្រទះ​នឹង​សៀវភៅ​នេះ​វិញ។ ដំបូង គិត​ថា​អាន​ត្រួសៗ​សិន​ទេ តែ​ដល់​អាន​អស់​ប៉ុន្មាន​ទំព័រ​ខាង​មុខ​ទៅ ក៏​ចាប់អារម្មណ៍​ខ្លាំង​រក​ដក​ចិត្ត​មិន​រួច។ ម្សិលមិញ អត់​បាន​ធ្វើ​អី​ទេ សំងំ​អាន​សៀវភៅ​នេះ​ទាល់​តែ​ចប់។   

Cover

សៀវភៅ​របស់​លោក «ដំណងឃ្លាក្នុងភាសាខ្មែរ» ក្ដី «យុគលពិន្ទុឬសញ្ញាចុចពីរ» ក្ដី និង​សៀវភៅ​នេះ​ក្ដី មាន​ទម្រង់​នៃ​ការ​សរសេរ​ប្រហាក់ប្រហែល​គ្នា។ ក្នុង​សៀវភៅ​នេះ លោក​បាន​លើក​ជា​បញ្ហា​បង្ហាញ​ឲ្យ​ឃើញ​ជាក់ ហើយ​ក៏​នៅ​មាន​ដំណោះស្រាយ​មក​ជាមួយ​ផង​ដែរ។ លោក​បាន​ចែង​ជា​គោលការណ៍​ខ្លះ ដាក់​ជា​សំណួរ​ដើម្បី​ពិភាក្សា​ខ្លះ ហើយ​និង​ជូន​ជា​យោបល់​ខ្លះ។ ខ្ញុំ​យល់​ចូលចិត្ត​នឹង​ការ​លើក​ឡើង​របស់​លោក​ដោយ​ច្រើន។ ទោះ​ជា​យ៉ាង​ណា បញ្ហា​អក្សរសាស្ត្រ​ជាតិ​ជា​បញ្ហា​ដែល​យើង​ទាំងអស់​គ្នា​គួរ​ចូលរួម​ដោះស្រាយ​ឲ្យ​បាន​ល្អ​ប្រសើរ មិនមែន​ផ្អែក​តែ​លើ​បុគ្គល​ណា​មួយ​ឬ​ក្រុម​ណា​មួយ​ឡើយ។ ខ្ញុំ​សង្ឃឹម​ថា អ្នក​សិក្សា​និង​អ្នក​ស្នេហា​វិស័យ​អក្សរសាស្ត្រ​ទាំង​អស់ នឹង​ចេះ​បើក​ចិត្ត​ឲ្យ​ទូលាយ​ចូលរួម​ចំណែក​ក្នុង​កិច្ចការ​អភិរក្ស​និង​អភិវឌ្ឍ​អក្សរសាស្ត្រ​ជាតិ​យើង។ សូម​ឲ្យ​សៀវភៅ​នេះ បាន​ជា​ប្រយោជន៍​ក្នុង​ការ​ពិចារណា​ដោះស្រាយ​បញ្ហា​ភាសា​ជាតិ​យើង​ឲ្យ​បាន​កាន់​តែ​ប្រសើរ។ ខ្ញុំ​សូម​លើក​ទឹកចិត្ត​ឲ្យ​អ្នក​សិក្សា​ទាំងអស់ ចំណាយ​ពេល​អាន​សៀវភៅ​នេះ ហើយ​ស្វែង​យល់​ដោយ​ខ្លួនឯង​ទៅ​ចុះ។


កំណត់សម្គាល់
សៀវភៅ​នេះ​មាន​នៅ​ក្នុង​បណ្ណាល័យ PUC
លេខ​កូដ៖ PL 4322 C46 2012