ខ្ញុំធ្លាប់ឃើញភិក្ខុដែលធ្លាប់រៀនជាមួយខ្ញុំ អានសៀវភៅនេះប្រហែលមួយឆ្នាំមុន។ ដោយជាប់ចិត្តនឹងការនិពន្ធរបស់ លោក(បងប្រុស) សុខ ...
ខ្ញុំធ្លាប់ឃើញភិក្ខុដែលធ្លាប់រៀនជាមួយខ្ញុំ អានសៀវភៅនេះប្រហែលមួយឆ្នាំមុន។ ដោយជាប់ចិត្តនឹងការនិពន្ធរបស់ លោក(បងប្រុស) សុខ ចាន់ផល ទើបខ្ញុំស្វែងរកសៀវភៅនេះមកអានបន្តកំដរអារម្មណ៍ដ៏មហារប៉ិលរប៉ូចរបស់ខ្ញុំ។ ខ្ញុំចាប់ផ្ដើមអានសៀវភៅនេះតាំងពីរសៀលម្សិលមិញ។អានបានជិតពាក់កណ្ដាលក៏ត្រូវឈប់អានសិន ព្រោះមានការរវល់ជាមួយមិត្តភ័ក្ដិ។ ខ្ញុំគិតថានឹងអានបន្ត ស្រាប់តែមិត្តខ្ញុំម្នាក់ទៀតហៅទូរស័ព្ទមក ដើម្បីបបួលទៅដើរលេងមុខវត្តបទុម។ ខ្ញុំក៏ប្រញាប់ប្រញាល់យកសៀវភៅនេះទៅទុក ដើម្បីងាយអាននៅថ្ងៃក្រោយទៀត ដ្បិតអីនេះជាសៀវភៅក្នុងបណ្ណាល័យសាលា។ ដល់ព្រឹកឡើង ខ្ញុំក៏ចាប់សៀវភៅ «កាដូបច្ចុប្បន្នកាល» មកអានដើម្បីកុំឲ្យខាតពេល ព្រោះសៀវភៅ «យល់សប្ដិ» ហ្នឹងនៅសាលាឯណោះ។ អានសៀវភៅ «កាដូបច្ចុប្បន្នកាល» ជិតចប់មិត្តខ្ញុំហៅទូរស័ព្ទមក ដើម្បីបបួលខ្ញុំមកសាលា។ ខ្ញុំសន្យានឹងគេថាមកសាលានៅម៉ោង ១១ ហើយឆ្លៀតបបួលគេឆៀងទៅរកទិញសៀវភៅជិតវត្តលង្កាផង។
 |
| យល់សប្ដិ |
អូ! មុនហ្នឹងកំពុងសរសេរនៅសាលា ឥឡូវមកផ្ទះវិញហើយ។ និយាយបន្តទៀត! គឺថាគម្រោងមិនដូចជាការពិតទេ។ ទិញសៀវភៅគ្មានបានមួយក្បាលទេ ព្រោះម្ចាស់តូបមិននៅ នៅតែមីងម្នាក់ដែលទទួលបញ្ញើពីម្ចាស់តូបឲ្យជួយមើល។ ចុងបញ្ចប់ ទិញបានប៊ិកម្នាក់ពីរដើម ដើម្បីកុំឲ្យម្ចាស់តូបអន់ចិត្ត ដ្បិតអីបានចូលហើយមិនទិញអីសោះដូចជាមិនសម។
ទៅដល់សាលា ខ្ញុំប្រឹងអានសៀវភៅ «កាដូបច្ចុប្បន្នកាល» បន្ត។ រួចខ្ញុំក៏សរសេរអត្ថបទពីសៀវភៅហ្នឹងដូចទម្លាប់រាល់ដង ដែលតែងតែសរសេរពីអ្វីដែលខ្ញុំបានអានរួច។ សរសេរចប់សព្វគ្រប់ ខ្ញុំក៏ប្រញាប់ទៅកន្លែងចាស់ ដើម្បីយកសៀវភៅ «យល់សប្ដិ» មកអាន។ អានទាល់តែដល់ម៉ោងជិត ៧ ទើបចប់។
ហាស! ហាស! អានស្នាដៃលោក សុខ ចាន់ផល យូរទៅ ខ្ញុំកាន់តែចូលចិត្តគាត់ឡើង។ ផ្នែកដំបូង សុទ្ធតែជារឿងខ្លីៗ ហើយផ្នែកខាងក្រោយជាកម្រងកំណត់ហេតុផ្ទាល់ខ្លួនរបស់លោក។ តាមរយៈចំណងជើងសៀវភៅ ខ្ញុំសង្ស័យណាស់ទៅហើយ...។ អានចប់មួយរឿងដំបូង ខ្ញុំហួសចិត្តណាស់ ព្រោះគ្រប់យ៉ាងជាការបំភាន់ភ្នែករបស់អ្នកនិពន្ធដោយយកការយល់សប្ដិធ្វើជារនាំងបិទបាំង។ ខំតែគិតផ្ដេសផ្ដាស ការពិតជាយល់សប្ដិសោះ។ រាល់លើកចាញ់បោកអ្នកនិពន្ធតែអារឿងអ៊ីចឹងៗ។ នៅមានរឿងគួរឲ្យអស់សំណើចមួយទៀត គឺថាអ្នកនិពន្ធបានបោកឲ្យខ្ញុំខំអាន រឿង "អ្នកណាចាប់រំលោភនាងលក្ខណ៍" ទាំងចិត្តងឿងឆ្ងល់ ដើម្បីរកមុខជនល្មើស។ ចុងក្រោយ ទើបដឹងថាអ្នកនិពន្ធបានបោកខ្ញុំបានសម្រេចម្ដងទៀតហើយ។ ខ្ញុំអានឃ្លាចុងក្រោយនៃសាច់រឿងបីដងទើបយល់។ ចង់ដឹងអត់ថាវាហួសចិត្តយ៉ាងម៉េច? អ៊ីចឹង រកទិញសៀវភៅហ្នឹងអានទៅនឹងបានដឹងហើយ។ ផុតពីរឿងហួសចិត្ត ខ្ញុំចាប់ផ្ដើមចាប់អារម្មណ៍រឿងមួយទៀត ដែលដាក់ចំណងជើងថា «ធម្មជាតិបៃតង»។ រឿងនេះធ្វើឲ្យខ្ញុំកាន់តែមានមនោសញ្ចេតនាជាមួយធម្មជាតិជាខ្លាំង។ អូ! ភ្លេចប្រាប់... រឿងខ្លីៗទាំងអស់ហ្នឹងសុទ្ធតែមានជាប់ទាក់ទងនឹងពាក្យថា យល់សប្ដិ ទាំងអស់។ ខ្ញុំចាប់ផ្ដើមគិតដូចមុនថា ខ្ញុំនិងអ្នកនិពន្ធមានការគិតនិងមនោសញ្ចេតនាស្រដៀងគ្នាជាខ្លាំង។ អត្ថបទកំណត់ហេតុរបស់លោកភាគច្រើន បង្ហាញពីអារម្មណ៍ មនោសញ្ចេតនា និងការគិតដូចអ្វីដែលខ្ញុំធ្លាប់មានដែរ។ ខ្ញុំសារភាពថា ខ្ញុំចូលចិត្តលោកខ្លាំងណាស់!
កំណត់សម្គាល់
សៀវភៅនេះមាននៅក្នុងបណ្ណាល័យ PUC
លេខកូដ៖ PL 4328 S64 2013
ទៅដល់សាលា ខ្ញុំប្រឹងអានសៀវភៅ «កាដូបច្ចុប្បន្នកាល» បន្ត។ រួចខ្ញុំក៏សរសេរអត្ថបទពីសៀវភៅហ្នឹងដូចទម្លាប់រាល់ដង ដែលតែងតែសរសេរពីអ្វីដែលខ្ញុំបានអានរួច។ សរសេរចប់សព្វគ្រប់ ខ្ញុំក៏ប្រញាប់ទៅកន្លែងចាស់ ដើម្បីយកសៀវភៅ «យល់សប្ដិ» មកអាន។ អានទាល់តែដល់ម៉ោងជិត ៧ ទើបចប់។
 |
| មាតិកា |
កំណត់សម្គាល់
សៀវភៅនេះមាននៅក្នុងបណ្ណាល័យ PUC
លេខកូដ៖ PL 4328 S64 2013
មតិយោបល់