សារសព្ទ​ក្នុង​ចិត្ត (យប់​មួយ​នោះ​)

Late night, but try to write. Just missing you, but I dare not to chat to you. I dear not to tell you that I miss you. I just wanna tell the sky, the moon, and the stars that I miss you. I hope the world understand!!! (ចូលអារម្មណ៍ មិនមែនចូលតូទេ។ ហាសហាស!!!)

Late night, but try to write. Just missing you, but I dare not to chat to you. I dare not to tell you that I miss you. I just wanna tell the sky, the moon, and the stars that I miss you. I hope the world understand!!!
(ចូល​អារម្មណ៍ មិនមែន​ចូល​តួ​ទេ។ ហាស​ហាស!!!)

អ៎ុះ​អោ៎! យប់​ស្ងាត់​ចិត្ត​កំព្រា

នឹក​ស្រស់​ពុំងា​ទ្រូង​ចំបែង

ចិត្ត​គិត​ដល់​អូន​តែ​ម្នាក់ឯង

ហោះ​ហើរ​ដូច​ផ្សែង​លើ​វេហាស៍។

យើង​នៅ​ជិត​គ្នា​ដូច​ជើងមេឃ

ឆ្ងាយ​ពី​គ្នា​ពេក​អែប​កាយា

រៀម​លួច​សម្លឹង​ស្រស់​ពុំងា

ស្រស់​ស្រី​ជីវា​ហាក់​ក្បែរ​បង។

ឃើញ​អូន​អនឡាញ(១)ចិត្ត​រៀម​នឹក

ចង់​ឆាត(២)ស្នេហ៍​ស្និទ្ធ​នឹង​នួនល្អង

តែ​ចិត្ត​ចង្រៃ​បាន​ត្រឹម​ប៉ង

មិន​ហ៊ាន​សាសង​ឆាត(៣)ទៅ​ស្រី។

ទ្រូង​បង​ស្ទើរ​បែក​ព្រោះ​នឹក​អូន

ចង់​ឆាត(៤)ទៅ​ស្ងួន​ស្រស់​ចរណៃ

លែបខាយ​ស្នេហា​ក្រែង​អស់​ភ័យ

ផ្គាប់​ដួង​ហឫទ័យ​ក្រែង​បាន​ស្បើយ។

តែ​ទោះ​យ៉ាងណា​បាន​ត្រឹម​គិត

នឹក​ស្រស់​វរមិត្ត​អូន​កន្តើយ

អូន​ធ្វើ​មិន​ដឹង​ធ្វើ​ព្រងើយ

អនឡាញ(៥)យូរ​ហើយ​គ្មាន​នឹក​បង។

ម្ដេច​ក៏​ព្រលឹង​ធ្វើ​មិន​ដឹង

អនឡាញ(៦)ស្ងាត់ឈឹង​ចោល​ស្នេហ៍ស្នង

ទុក​រូប​រៀម​ចោល​ឲ្យ​សៅហ្មង

ចិត្ត​ចាំ​នួនល្អង​ឆាត(៧)ស្នេហា។

_____________________
(១), (៥) & (៦) Online
(២), (៣), (៤) & (៧) Chat

ភ្នំពេញ, ១១ កុម្ភៈ ២០១៦
ស្មេរ៖ ហេង-រង្សី