សប្ដាហ៍មុន ខ្ញុំរកសៀវភៅជាភាសាអង់គ្លេសបានពីរ-បីក្បាល ដែលសុទ្ធតែទាក់ទងនឹងការអប់រំខាងផ្នែកព្រះពុទ្ធសាសនា។ ក្រៅពីសៀវភៅជាភាស...
សប្ដាហ៍មុន ខ្ញុំរកសៀវភៅជាភាសាអង់គ្លេសបានពីរ-បីក្បាល ដែលសុទ្ធតែទាក់ទងនឹងការអប់រំខាងផ្នែកព្រះពុទ្ធសាសនា។ ក្រៅពីសៀវភៅជាភាសាអង់គ្លេសប៉ុន្មានក្បាលនោះ ខ្ញុំនៅរកបានសៀវភៅនេះមួយក្បាលទៀត តែមិនបានអានភ្លាមៗនោះទេ ព្រោះរវល់អានសៀវភៅជាភាសាអង់គ្លេសសិន។ ខ្ញុំបានត្រឹមតែកាន់សៀវភៅនេះចុះឡើងរាល់ថ្ងៃ ដើម្បីកំដរដៃ រង់ចាំរហូតអានសៀវភៅអង់គ្លេសទាំងនោះចប់ ទើបអានសៀវភៅនេះបន្ត។ សៀវភៅនេះ ខ្លីដែរទេ ព្រោះថ្ងៃនេះ ខ្ញុំចំណាយពេលតែប៉ុន្មានម៉ោងប៉ុណ្ណោះ ដើម្បីអានសៀវភៅនេះឲ្យចប់។
ខ្ញុំគ្រាន់តែឃើញសៀវភៅនេះភ្លាម ខ្ញុំចាប់អារម្មណ៍ភ្លាមតែម្ដង។ អ្នកជឿឬមិនជឿក៏ហីទៅចុះ! ខ្ញុំសុំនិយាយដោយត្រង់ថា ខ្ញុំស្អប់អំពើពុករលួយ។ មានមនុស្សមិនតិចទេ ដែលនិយាយថាស្អប់អំពើពុករលួយ តែដល់ពេលកាលៈទេសៈមកដល់ ក៏ប្រព្រឹត្តដូចតែគេឯងដែរ ភ្លេចអស់ពាក្យដែលខ្លួនធ្លាប់និយាយ។ ខ្ញុំប្រាកដណាស់ថា ពេលនេះ ខ្ញុំស្អប់អំពើពុករលួយ ហើយខ្ញុំចេះតែលួចសួរខ្លួនឯងក្នុងចិត្តថា តើខ្ញុំនឹងធ្វើដូចជាពួកគេទេ បើខ្ញុំស្ថិតក្នុងពេលវេលានិងស្ថានភាពដូចពួកគេដែរ? គិតសព្វៗទៅ សូម្បីតែមនុស្សដែលនៅក្បែរខ្លួនខ្ញុំ ហើយស្និទ្ធស្នាលនឹងខ្ញុំបំផុតនោះ ក៏កំពុងចូលរួមដោយប្រយោលនិងដោយផ្ទាល់ខ្លះក្នុងអំពើពុករលួយនេះដែរ។ តែទោះជាយ៉ាងណាក៏ដោយ សម្រាប់ខ្ញុំ រូបភាពនៃអំពើពុករលួយ នៅតែជារូបភាពដែលគួរឲ្យស្អប់ខ្ពើមដដែល។ ខ្ញុំគិតថា ខ្ញុំកើតមកជាមួយភាពស្អាតស្អំរួចស្រេចទៅហើយ ហើយអ្នកទាំងអស់គ្នាក៏អាចគិតបែបនេះបានដូចជាខ្ញុំដែរ។ ខ្ញុំតែងស្រមៃដល់រូបភាពនៃសង្គមមួយ ដែលប្រកបទៅដោយសីលធម៌និងគុណធម៌។
សូមឲ្យសង្គមខ្មែរបានរួចចាកផុតពីជំងឺមហារីកនៃអំពើពុករលួយ!
កំណត់សម្គាល់
សៀវភៅនេះមាននៅក្នុងបណ្ណាល័យ PUC
លេខកូដ៖ JC 337 C87 2015
 |
| Cover |
សូមឲ្យសង្គមខ្មែរបានរួចចាកផុតពីជំងឺមហារីកនៃអំពើពុករលួយ!
កំណត់សម្គាល់
សៀវភៅនេះមាននៅក្នុងបណ្ណាល័យ PUC
លេខកូដ៖ JC 337 C87 2015
មតិយោបល់