បុរសអាវសចិត្តខ្មៅ ភាគទី១២ ស្រឡាញ់មេបំពេដល់កូន ជាល្បិចសុីជម្រៅរបស់ប្រពន្ធទី២ បុរសអាវសមានឪពុកម្តាយជាអ្នកចូលចិត្ត រួមរស់ដោយរងគ្រោះ និង ជួយសង្...
បុរសអាវសចិត្តខ្មៅ ភាគទី១២
ស្រឡាញ់មេបំពេដល់កូន ជាល្បិចសុីជម្រៅរបស់ប្រពន្ធទី២
បុរសអាវសមានឪពុកម្តាយជាអ្នកចូលចិត្ត រួមរស់ដោយរងគ្រោះ និង ជួយសង្គ្រោះដោយប្រពន្ធទី២តាំងពីដើមមក ។ ឪពុកម្តាយរបស់បុរសអាវសសុខចិត្តឲ្យបងប្អូនប្រពន្ធទី២ បើកយុទ្ធនាការសម្លាប់កូន ចៅ ខ្លួនឯងដោយក្តីរន្ធត់ និងឃោរឃៅបំផុត ឲ្យតែបានកម្ទេច និងសងសឹកដល់កូនក្បត់ខ្លួនឯងម្នាក់ឬ ពីរនាក់តែប៉ុណ្ណោះ ។
តាមពិតកូនចៅមិនក្បត់ឪម៉ែទេ គ្រាន់តែចង់ឲ្យឪពុកម្តាយរបស់បុរសអាវសដកខ្លួនចេញពីការជាប់ផុងពីប្រពន្ធទី១ និង ឲ្យអាណាព្យាបាលរបស់ប្រពន្ធទី១ជ្រកកោនក្នុងការប្រយុទ្ធជាមួយស្ត្រីទី៣តែប៉ុណ្ណោះ ។
ប្រពន្ធទីពីរ ជាប្រពន្ធចាស់ អ្នកមាន និងមានឥទ្ធិពលលើបុរសអាវស នាងមានភាពទន់ភ្លន់ ស្វិតស្វាយ សុីជម្រៅ តែសាហាវ ។ នាងមិនចង់បានភូមិគ្រឹះរបស់បុរសអាវសទាំងមូលទេ តែចង់បានមរតកដ៏មហាសាលរបស់ដូនតាបុរសអាវសនិងចង់ឲ្យបុរសអាវសស្ថិតនៅជាទាសករស្នេហ៍ជារៀងរហូត ។ ជាទូទៅនាងតែងតែប្រើប្រាស់ដៃទាំងពីររបស់បុរសអាវសឲ្យគាបសង្កត់លើបងប្អូនបង្កើតរបស់នាងផ្ទាល់ដែលបានបែកផ្ទះទៀតផង ។
នាងតែងប្រើយុទ្ធសាស្រ្ត ស្រឡាញ់ម្តាយ បំពេកូន
ស្រឡាញ់ម្តាយត្រូវតែថ្នាក់ថ្នមកូន ឬ យកកូនធ្វើជាធ្នាក់ ។ ដើម្បីឈានដល់ម៉ែ គេត្រូវយកកូនធ្វើជាធ្នាក់ ។ ដំបូងគេត្រូវយកនំចំណី ឬបាយឡុកបាយឡ លុយកាក់ដ៏ច្រើន ដែលជារបស់កូនចូលចិត្តទៅផ្ញើកូនតូចជាញយៗ ។ ជាពិសេសបើអាចធ្វើបានគេត្រូវចេះបីបមថ្នមថ្នាក់កូនៗ និងដូនតារបស់បុរសអាវស ។ ចំណែកម៉ែគេមិនបាច់ចែប៉ប្រែពេកទេ ព្រោះតែការថ្នាក់ថ្នមកូន ការជិតស្និទ្ធស្នាលនឹងកូនវាមានឥទ្ធិពលជាងការស្និទ្ធស្នាលជាមួយនឹងម៉ែទ្វេដងទៅទៀត ។
ឪពុកម្តាយរបស់បុរសអាវសបានជាប់អន្ទាក់ស្នេហ៍របស់ប្រពន្ធទី២ប្រកបដោយក្តីវេទនាផ្លូវចិត្ត និងត្រូវតែជួយស្រោចស្រង់ ។
ប៉ុន្តែ ឪម៉ែបុរសអាវសមានភាពអាត្មានិយម សង្ងំសុខតែឯង ទុកឲ្យកូន ចៅរបស់បុរសអាវសវេទនា ។ លើសពីនេះបុរសអាវសបានដាក់គុកឪពុកម្តាយខ្លួនឯងដែលមិនអាចមានឱកាស និងមានសេរីភាពអាចជួយកូនចៅខ្លួនឯងបាន ។
ហុតទឹក សម្លឹងកាក ទាញចង្វាក្រាក សម្លឹងមរតកក្នុងភូមិគ្រឹះ
ប្រពន្ធទី២ធ្វើអ្វីៗគ្រប់យ៉ាង ផ្គត់ផ្គង់តាមតម្រូវការដល់ឪពុកម្តាយ និងបុរសអាវស តែខាងក្នុងបានជញ្ជក់ឈាម ឆ្អឹង និងលេបត្របាក់មរតកក្នុងភូមិគ្រឹះគ្មានសល់ ។ ផ្ទុយពីទ្រឹស្តីខាងលើ ប្រពន្ធទី២បានយកចិត្តទុកដាក់លើតែឪពុកម្តាយរបស់បុរសអាវស និងបុរសអាវស ប៉ុន្តែបង្កភាពក្តីក្រហាយ និងរំលោភលើកូនៗរបស់បុរសអាវសប្រកបដោយព្រៃផ្សៃបំផុត ។
ចុះទឹកក្រពើ ឡើងលើខ្លា ចូលមើលវេហា មានតែបងប្អូនប្រពន្ធទី២រស់នៅ ។
ល្បិចរបស់ប្រពន្ធទី២ត្រូវមានអ្នកជំនាញជួយមើលទើបដឹង និងអាចដោះខ្លួនចេញបាន ។
ដូនតារបស់បុរសអាវសបានបន្សល់ទុកមរតកដ៏មហាសាល កេរ្តិ៏ឈ្មោះល្បីសុះសាយ ប៉ុន្តែឪពុកម្តាយបុរសអាវស និងបុរសអាវសមានប្រពន្ធយួនដូចគ្នា ត្រូវបានប្រពន្ធលួងលោមយកគ្មានសល់ ព្រមទាំងប្រពន្ធបុរសអាវសបានយកដីភូមិគ្រឹះបន្តិចម្តងៗ និងមរតកដែលដូនតាបន្សល់ទុក ។ លើសពីនេះ អភ័ព្វ បុរសអាវសមានជម្លោះជាមួយកូនៗគ្មានថ្ងៃលុះ និង មានកេរ្តិ៏ឈ្មោះមិនល្អ ។
សូមបន្តតាមដានភាគទី១៣ នៅថ្ងៃស្អែក
មតិយោបល់