នៅស្ងៀមធ្វើហីមិនខ្ចីធ្វើដឹង (បទកាកគតិ) និស្ស័យចៃដន្យ ជួបស្រស់តូចតន់ រៀមលួចចងចិត្ត លួចស្នេហ៍អូនហើយ ថ្លៃអើយបងស្និ...
នៅស្ងៀមធ្វើហីមិនខ្ចីធ្វើដឹង
(បទកាកគតិ)
(បទកាកគតិ)
និស្ស័យចៃដន្យ ជួបស្រស់តូចតន់ រៀមលួចចងចិត្ត
លួចស្នេហ៍អូនហើយ ថ្លៃអើយបងស្និទ្ធ ស្នេហ៍ស្រស់វរមិត្ត
ពិតពេញបេះដូង។
សម្រស់ភក្រ្តា ស្រីស្រស់ជីវា បងសច្ចាផ្សង
បានជាគូស្នេហ៍ ឋិតថែនួនល្អង រៀមសូមត្រកង
ថ្នមស្នេហ៍ព្រលឹង។
ម្ដេចស្រស់ពីសី នៅស្ងៀមធ្វើហី មិនខ្ចីធ្វើដឹង
បែរសម្លក់បង ចិត្តចងដូចខឹង រៀមលួចសម្លឹង
ចងចិត្តស្នេហា។
មេឃខ្ពស់ដីឆ្ងាយ ស្រីស្រស់ឆោមឆាយ ឲ្យបងរុក្ខា
លង់ស្នេហ៍នួនល្អង ចិត្តបងខ្លោចផ្សា ព្រោះស្រស់ជីវា
ធ្វើហីដាក់បង។
ភ្នំពេញ, ១៤ វិច្ឆិកា ២០១៥ស្មេរ៖ ហេង-រង្សី
មតិយោបល់