ពេលខ្ញុំអានសៀវភៅ « មួយជំហានម្ដង Step by Step » និង សៀវភៅ « សម្ដេចព្រះមហាឃោសនន្ទ ព្រះពុទ្ធក្នុងសមរភូមិ » ខ្ញុំមានសេចក្ដីជ្រះថ្លា...
ពេលខ្ញុំអានសៀវភៅ «មួយជំហានម្ដង Step by Step» និង សៀវភៅ «សម្ដេចព្រះមហាឃោសនន្ទ ព្រះពុទ្ធក្នុងសមរភូមិ» ខ្ញុំមានសេចក្ដីជ្រះថ្លា ពេញចិត្ត និងគោរពស្រលាញ់ជាខ្លាំងចំពោះអង្គសម្ដេចព្រះមហាឃោសនន្ទជាអម្ចាស់។ ដោយរលឹកដល់គុណនិងព្រះទ័យករុណាធម៌នៃ សម្ដេចព្រះមហាឃោសនន្ទ ខ្ញុំបានខិតខំស្រាវជ្រាវរកវីដេអូនានា ដែលទាក់ទងនឹងព្រះអង្គ ដើម្បីឲ្យកូនខ្មែរជំនាន់ក្រោយបានស្គាល់និងយល់ដឹង ដ្បិតអីសម្ដេចជាអម្ចាស់ជាអគ្គបុគ្គលដែលបានបំពេញកិច្ចការស្ថាបនាសុខសន្តិភាពសម្រាប់ជាតិខ្មែរនិងពិភពលោក។
កម្រងខ្សែវីដេអូដែលខ្ញុំនាំយកមកផ្សាយបន្តនេះរួមមាន ព្រះរាជជីវប្រវត្តិរបស់សម្ដេចជាអម្ចាស់ ទិដ្ឋភាពនានាក្នុងពិធីបុណ្យព្រះសពសម្ដេចជាអម្ចាស់ និងវីដេអូផ្សេងៗទៀត។
សូមដួងព្រលឹងនៃសម្ដេចជាអម្ចាស់សណ្ឋិតក្នុងបេះដូងនៃមនុស្សខ្មែរគ្រប់រូប។ សូមឲ្យមនុស្សខ្មែរគ្រប់រូប ជម្រុះឲ្យអស់នូវចិត្តប្រកបដោយហិង្សា ហើយជំនួសមកវិញដោយដួងចិត្តអហិង្សា ប្រកបដោយក្ដីមេត្តា-ករុណា និងសន្តិភាពតរៀងទៅ។
សូមឲ្យកម្ពុជាជួបតែសន្តិភាពតរៀងទៅ!
មតិយោបល់